Bu məqalədə türk solçu yazıçı Kamal Tahirin əsərləri əsasında türk sosializmi ideyası tədqiq edilir. Türk sosializmi ideyası K.Marksın ictimai-iqtisadi formasiyalara dair əsərlərinə əsasən irəli sürülür. Kamal Tahir Marksın çalışmalarına əsaslanaraq, Türkiyənin sosialist cəmiyyəti qurmaq üçün özünəməxsus yolu olduğunu iddia edir. K.Marks “Kapital” əsərində tarixi inkişafın sxeminə mövcud beş mərhələyə əlavə olaraq “Asiya istehsal üsulu” adlandırılan başqa bir mərhələ əlavə edir. Kamal Tahir yazılarında qeyd edir ki, Osmanlı İmperiyasının dövlət quruluşu tarixi inkişafın beş mərhələsinin heç birinə daxil olmayıb. O, Osmanlı İmperiyasını Asiya istehsal üsuluna uyğun olaraq inkişaf edən bir dövlət adlandırır. Kamal Tahirin “Dövlət Ana” romanı Asiya istehsal üsulunun parlaq təsviridir.