Qarabağın işğalı və qaçqınlıq faciəsi bu gün Azərbaycan ədəbiyyatı və filologiyasının öyrəndiyi əsas mövzulardan biridir.

Təqdim edilən araşdırma tanınmış yazıçı-dramaturq Elçin Hüseynbəylinin yurdundan didərgin bir xalqın faciəsini təsvir edən “Boz eşşəyin məktubları” alleqorik hekayəsinə həsr olunmuşdur. Bəhs edilən mövzuda yaradılmış digər əsərlərdən fərqli olaraq bu hekayənin əsas qəhrəmanı tərk edilmiş bir kəndi dolaşan tənha eşşəkdir.

Məqalədə alleqorik üslubun, həmçinin, dünya ədəbiyyatında rast gəlinən eşşək obrazlarının ideya-estetik xüsusiyyətlərindən də bəhs olunur.