Məqalə əsasən XIII əsr mütəfəkkirlərindən olan Əhməd Fakihin həyat və yaradıcılığından bəhs edir. Burada Fakihlə bağlı bir çox mənbələrdən və bu mənbələrdə əksini tapan mənqibələrdən söhbət açılır. Şairin iki məlum məsnəvisinin məzmun və ideyasına toxunulur. Hər iki məsnəvidən nümunələr verilir. Ə.Fakihin müasirlərindən fərqli cəhətləri də məqalədə göz önünə gətirilir. Əsərin dilinin sadəliyindən, avaz və ölçüsündən bəhs edilir. Təsəvvüfü baxışla uyğun mistik ölüm çərçivəsində Allaha qovuşmağın yollarına və bununla bağlı bir çox nəzəriyyə və fərziyyələrə aydınlıq gətirilir. Uzaq keçmişdən bu günümüzə qədər gəlib çatan bəzi mistik anlayışlar təhlil edilir. Şairin mənbələrdə əksini tapan kəramətlərdən bəhs olunur. Ə.Fahik haqqında söylənən bəzi müəmmalı fikirlərə də aydınlıq gətirilir. Məqalədə “Çarhnamə” əsərindən nümunələr verilir. Əsərin əsas mahiyyəti incələnir. “Kitabi Evsafi Mesacidis – Şerife” əsərinin yazılma səbəbi də məqalədə yer alır. Şairin olum və ölüm hadisəsinə münasibəti çözələnir. Onun şəriət ehkamlarına və batini aləmə baxışına aydınlıq gətirilir. Əsərlərindəki İnsan və Tanrı konsepsiyasına münasibəti açıqlanır. Məqalədə səyahət zamanı gəzdiyi yerləri təsviretmə məharətinə də toxunulur.